Bujanoc – Qindra vullnetarë, të cilët çdo ditë janë në terren, janë bërë vullnetarë për të ndihmuar bashkëqytetarët mbi moshën 65 vjeç dhe ata që janë në izolim në komunën e Bujanocit, tha të martën shtabi i urgjencës. Sidoqoftë, vullnetarët që shpërndajnë ushqim dhe ilaçe për qytetarët në izolim përballen me mungesën e maskave dhe dorezave mbrojtëse.

Informacioni i fundit në dispozicion të Shtabit është se gjithsej 110 persona janë në vetizolim në territorin e komunës, ndërsa 39 banorë mbi moshën 65 vjeç që jetojnë vetëm janë në regjistrin e Qendrës për Punë Sociale.

Ende nuk dihet numri i përgjithshëm i qytetarëve të cilëve iu është mohuar e drejta për të lëvizur dhe që kanë mbetur vetëm për veten e tyre dhe varen nga ndihma e vullnetarëve.

Komandanti i Shtabit Shaip Kamberi tha për Bujanovacke.com se ai pret që në ditët në vijim, sipas informacioneve që ka marrë nga niveli republikan, problemi i mbrojtjes do të zgjidhet, jo vetëm për vullnetarët, por për tërë qytetarët.

Burimi: Bujanovaçke dhe Trupi Koordinues