Zhvillimi i komunave Preshevë, Bujanoc dhe Medvegjë është një nga prioritetet më të rëndësishme të Trupit Koordinues të Qeverisë së Republikës së Serbisë. Infrastruktura është themeli i zhvillimit të çdo komune, prandaj Trupi Koordinues, së bashku me komunat, ka njohur rëndësinë e investimeve në infrastrukturë.

Së bashku me komunat, gjatë trembëdhjetë viteve të fundit kemi investuar në ndërtimin e rrjetit të ujësjellësit, kanalizimit dhe rrugëve, në çerdhe, shkolla fillore dhe të mesme, qendra shëndetësore dhe të gjitha objektet e tjera me rëndësi për qytetarët e tri komunave. Kilometrat e rrugëve lokale të asfaltuara, shkollat dhe çerdhet e reja ose të rikonstruktuara, si dhe projektet e tjera infrastrukturore, kanë ndryshuar ndjeshëm pamjen e Preshevës, Bujanocit dhe Medvegjës.

Duke qenë se bëhet fjalë për komuna të pazhvilluara, Trupi Koordinues financon dhe zbaton projekte infrastrukturore me qëllim përmirësimin e cilësisë së përgjithshme të jetës së qytetarëve në këto komuna.

Shërbimi i Trupit Koordinues, përmes buxhetit vjetor, planifikon mjete për projekte infrastrukturore dhe kjo paraqet një kontribut të rëndësishëm për zhvillimin e komunave, pasi Presheva, Bujanoci dhe Medvegja janë të vetmet komuna në Serbi që, përveç fondeve nga Ministria e Financave, marrin mjete për projekte infrastrukturore edhe nga Shërbimi i Trupit Koordinues.

Komunat Preshevë, Bujanoc dhe Medvegjë propozojnë projekte çdo vit dhe këto projekte miratohen në takime të përbashkëta. Kjo praktikë është vendosur sepse komunat i njohin më së miri nevojat e qytetarëve dhe prioritetet për fuqizimin ekonomik.

Në fushën e projekteve infrastrukturore, Trupi Koordinues në periudhën 2000–2013 ka investuar gjithsej 5.101.045.689,76 dinarë, prej të cilave:

• në komunën e Bujanocit 1.871.266.384,34 dinarë,
• në komunën e Preshevës 1.614.433.656,38 dinarë,
• në komunën e Medvegjës 1.615.345.649,04 dinarë.

Në buxhetin për vitin 2013, mjetet e ndara për komunat për projekte infrastrukturore arrijnë në 224.630.000,00 dinarë, konkretisht:

• për komunën e Preshevës 93.344.600,00 dinarë,
• për komunën e Bujanocit 95.590.900,00 dinarë,
• për komunën e Medvegjës 32.694.500,00 dinarë.

Në buxhetin e Shërbimit të Trupit Koordinues për vitin 2014, mjetet e përgjithshme për investime infrastrukturore arrijnë në 246.602.000,00 dinarë.