Qeveria e Republikës së Serbisë, me propozimin e Ministrisë së Ekonomisë, miratoi Programin e ndihmës financiare për subjektet ekonomike për ruajtjen e likuiditetit dhe kapitalit qarkullues në kushte të vështira ekonomike të shkaktuara nga pandemia COVID – 19.

Qëllimet kryesore të Programit janë ofrimi i mbështetjes për subjektet ekonomike për blerjen e kapitalit qarkullues, si dhe për ruajtjen e likuiditetit aktual, në mënyrë që të shlyhen rregullisht detyrimet ndaj partnerëve të biznesit, të punësuarve dhe shtetit në kushtet e një biznesi të vështirë të shkaktuar nga pandemia COVID – 19.

Realizimi i Programit do të bëhet përmes Fondit të Zhvillimit të Republikës së Serbisë derisa të shpenzohen fondet nga Programi, dhe jo më vonë se 10 dhjetor 2020.

Për realizimin e Programit janë ndarë 24,000,000,000 dinarë.

Sipërmarrësit, kooperativat, ndërmarrjet mikro, të vogla dhe të mesme që janë në pronësi me shumicë private ose bashkëpunuese dhe që kryejnë veprimtari prodhimi, shërbimi, tregtie dhe bujqësie kanë të drejtën e përdorimit të fondeve.

Të gjitha çështjet në lidhje me këtë Program mund t`i dorëzoni përmes postës elektronike office@fondzarazvoj.rs
Kërkesat dorëzohen në mënyrë elektronike në adresën prijemzahteva_covid19@fondzarazvoj.rs

Informacionet shtesë mbi programin e kredisë për likuiditet janë të disponueshme në https://fondzarazvoj.gov.rs/cir/proizvodi/likvidnost-covid19

Burimi: Fondi për Zhvillim të Republikës së Serbisë dhe Trupi Koordinues