Bujanoc, Radovnicë, Trgovishtë – Fabrika e krevateve për fëmijë "Simpo" në fshatin Radovnicë afër Tërgovishtës, një vit pas rifillimit të prodhimit, regjistron rezultate të jashtëzakonshme pasi i gjithë prodhimi shkon për eksport sipas marrëveshjes së arritur.

Mile Mitiq, drejtor i fabrikës me 55 punëtorë, thotë se që nga qershori i vitit të kaluar, treguesit bazë ekonomikë – prodhimi, produktiviteti, numri i të punësuarve dhe të ardhurat – kanë qenë në një ngritje të vazhdueshme.

"Sipas marrëveshjes me një partner gjerman, ne kemi shitur 100% të prodhimit tonë të përgjithshëm gjatë vitit të kaluar klientëve në Gjermani, Austri, Zvicër dhe Mbretërinë e Bashkuar," tha Mitiq.

Drejtori tregon se menaxhmenti i Simpo-s tashmë po bën analiza në mënyrë që të punësojë rreth tridhjetë punonjës të rinj deri në nëntor, duke iu përgjigjur kështu kërkesave të reja nga klientët nga Europa.

Ai kujton se këto rezultate nuk janë akoma në nivelin kur fabrika e krevateve në Radovnicë furnizonte ekskluzivisht Ikea-në e fuqishme dhe klientët e saj të zgjedhur në të gjithë botën.

"Sidoqoftë, duke folur financiarisht, prodhimi ynë mujor aktualisht është midis 80 dhe 90 mijë euro, dhe një klient i ri nga Danimarka po na kërkon të nënshkruajmë një kontratë për shpërndarjen e rregullt mujore të krevateve për 50,000 euro", shpjegon Mitiq.

Shtë e qartë se krevatet prej druri masiv janë me një çmim të shkëlqyeshëm kudo, veçanërisht për klientët në Bashkimin Evropian që e dinë rëndësinë e mobiljeve kualitative.

Vëllimi i prodhimit, cilësisë dhe dërgesave të rregullta ndikoi gjithashtu në pagat e punëtorëve, kështu që paga mesatare aktuale në këtë fabrikë me një pjesë stimuluese është 33,000 dinarë.

Sigurisht që vendasit janë të kënaqur me këtë lloj të ardhurash, sepse dje fabrika ishte në agoni që nuk mund të shihej fundi.

Duhet të kujtojmë se Radovnica, me gati 1.000 banorë, është fshati më i madh në komunën e Tërgovishtës, ku përveç Simpo-s, ekziston edhe fabrika e konfeksionit Jumko, e cila punëson 50 punëtorë.

Nenad Krstiq, kryetari i komunës së Tërgovishtës, shpjegon se sa e rëndësishme është kjo për ekonominë lokale:

"Përfitimet më të mëdha të këtyre dy fabrikave janë familjet e punonjësve, tregtia lokale dhe pastaj pushteti vendor, buxheti i të cilave po rritet muaj për muaj," thekson me kënaqësi Kërstiq.

Burimi: Bujanovaçke dhe Trupi Koordinues