Bujanoc – Me rastin e fillimit të punimeve për rikontruktuimin dhe asfaltim në rrugën kryesore në Bujanoc, shefi i kabinetit të kryetarit, Rahim Salihi, tha se kjo ndërmarrje është "një shembull i bashkëpunimit të mirë midis vetëqeverisjes lokale dhe Ministrisë së Ndërtimtarisë, Transportit dhe Infrastrukturës në dobi të të gjithë qytetarëve të komunës".

Punimet në rrugën Karagjorgje Petroviq filluan të martën, më 1 tetor, sipas vlerësimeve nga autoritetet komunale, e cila do të zgjasë rreth 30 ditë dhe do të financohet plotësisht nga buxheti republikan, pasi ministria përkatëse pranoi kërkesën e Komunës së Bujanocit.

"Siç njoftova në korrik, përfshirja e përfaqësuesve të administratës komunale siguroi financimin e këtij projekti domethënës nga ministria dhe punimet tashmë knëa filluar. Bujanoci do të ketë një rrugë kryesore plotësisht të rikonstruktuar pas shumë vitesh, dhe shpresoj se do të bashkëpunojmë në mënyrë të ngjashme me ministritë e tjera të shtetit, "tha Salihi.

Sipas Enver Ramadani, kreu i Departamentit Komunal për Zhvillim dhe Investim, faza e parë e rindërtimit është duke u zhvilluar – heqja e asfaltit të vjetër në një shtrirje prej 2 kilometrash, nga rrethrrotullimi në hyrje deri tek Shtëpia e Shëndetit.

"Asfaltimi është përgjegjësi e kompanisë shtetërore Rrugët e Serbisë, dhe Saba Bellça është nënkontraktor. Varet nga ne që të përgatisim dhe finalizojmë dokumentacionin e projektit me kohë, "tha Ramadani.

Pas përfundimit të asfalltimit, pushteti vendor do të rregullojë trotuarin me shpenzimet e veta, dhe hartimi i këtij projekti tashmë ka filluar.

Burimi: Bujanovaçke dhe Trupi Koordinues