Ministria e Administrimit Publik dhe Vetëqeverisjes Lokale ka publikuar thirrje publike për çmimin vjetor 2019 për qeverinë më të mirë qytetit/komunës. Afati i fundit për paraqitjen e aplikimeve është 20 ditë nga data e publikimit të Ftesës Publike në Gazetën Zyrtare të RS (7/20 e 29/01/2020).

Shpërblimi i parë vjetor i praktikës më të mirë nacionale për zbatimin e qeverisjes së mirë në nivelin lokal në vitin 2018 u fillua me iniciativën e Ministrisë dhe Konferencës së Përhershme të Qyteteve dhe Komunave (KPQK), me mbështetjen e programit "Mbështetja e Qeverisë së Zvicrës për Zhvillimin e Komunave duke promovuar qeverisje të mirë dhe përfshirje sociale – SËISS PRO ”. Realizimi i konkursit nga Ministria për të dytin vit radhazi ka ndikuar Shpërblimi Vjetor të bëhet një masë afatgjate e Qeverisë së Republikës së Serbisë, e cila inkurajon dhe fuqizon qeveritë lokale të përmirësojnë vazhdimisht cilësinë e shërbimeve që ofrohen nga sektori publik për qytetarët dhe ekonominë.

Shpërblimi vjetor i praktikës më të mirë paraqitet në katër fusha: efikasitetin dhe efektivitetin, transparencën dhe pjesëmarrjen e publikut në punën e qeverisjes vendore, përgjegjshmërinë dhe sundimin e ligjit, dhe barazinë dhe anti-diskriminimin. Fondet që do të ndahen për fituesit e konkursit nga Ministria nga Fondi i Buxhetit për Programin e Pushtetit Lokal janë 10.400,000 dinarë. Fituesit në secilën nga katër fushat do të kenë të drejtë për një çmim financiar prej 2,600,000 RSD.

Përveç financimit nga Fondi i Buxhetit të Ministrisë, me qëllim forcimin e mbështetjes për zhvillimin dhe zbatimin e parimeve të qeverisjes së mirë në punën e qeverive lokale, fituesve të konkursit do të ndahen edhe fonde shtesë të alokuara nga KPQK  nga buxheti i programit SËISS PRO. Fondi i përgjithshëm nga ky burim shtesë i financimit të Shpërblimit Vjetor është 3,840,000 RSD dhe do të shpërndahet në mënyrë të barabartë për katër fitues, sipas kushteve të Ftesës Publike.

Aplikimet për çmimin vjetor për administratën më të mirë komunale/ qytetit dorëzohen ekskluzivisht me postë elektronike në adresën e godisnja.nagrada@mduls.gov.rs në formularin përkatës të aplikimit, i cili shkarkohet në faqen e internetit të Ministrisë. Qeveritë lokale nuk aplikojnë në një procedurë të veçantë për fonde shtesë, por paraqesin një kërkesë të vetme, të shpjeguar në formularin e aplikimit, nën kushtet e Ftesës Publike.

Aplikimet e pranuara do të vlerësohen në bazë të kritereve të paracaktuara nga një komitet i përbërë nga përfaqësues të Ministrisë, KPQK dhe programit SËISS PRO. Pas vlerësimit, komisioni do të formulojë një propozim për një vendim për dhënien e një çmimi vjetor për secilën nga fushat e mësipërme dhe t'ia dorëzojë ministrit përgjegjës për vetëqeverisjen lokale, i cili merr vendimin.

Ministria do të lidhë kontrata për përdorimin e granteve nga Fondi i Buxhetit me njësitë e vetëqeverisjes vendore të cilave u është dhënë çmimi dhe do të transferojë shumën e aprovuar. Gjithashtu, KPQK do të nënshkruajë marrëveshje të veçantë për fituesit e konkursit për fondet e alokuara nga buxheti i programit SËISS PRO.

Teksti i ftesës publike dhe formularin paraqitës mund ta shkarkoni në http://mduls.gov.rs/obavestenja/16534/, ndërsa njoftimin zyrtar për vetqeverisjet lokale të cilat konkurojnë për Shpërblimin Vjetor janë të qasura në http://www.skgo.org/storage/app/media/uploaded files/Godisnja%20nagrada%20za%20najbolju%20opstinsku-gradsku%20upravu%20u%202019.%20godini.pdf

Burimi: Ministria e Administratës Shtetërore dhe Veqeverisjes Lokale dhe Trupi Koordinues