Preshevë – Presheva është ndër komunat më të suksesshme në Serbi për nga numri i qytetarëve të vaksinuar mbi moshën 75 vjeç, me mbi 50 përqind të banorëve më të vjetër të vaksinuar.

Drejtori i Qendrës Shëndetësore në Preshevë, Dr. Driton Salihu, ia atribuon stafit mjekësor meritat për përgjigjen e shkëlqyeshme ndaj imunizimit kundër koronavirusit.

.Dr. Salihu thotë se punëtorët shëndetësorë vazhdimisht u tregojnë të gjithë qytetarëve se sa e rëndësishme është të vaksinohen.

 "Stafi ynë ka paraqitur shumë herë në Qendrën shëndetësore në portalin e-administrata të gjithë të moshuarit të cilët dëshironin të vaksinoheshin, por nuk kishin mundësi të regjistroheshin pa ndihmën e dikujt", tha Dr. Salihu.

Përndryshe, vetëm në Preshevë dhe gjashtë komuna të tjera të Beogradit, më shumë se 50 përqind e njerëzve më të vjetër se 75 janë vaksinuar.

Numri i përgjithshëm i të vaksinuarve me dozën e parë në këtë qytet tejkaloi 3,500 qytetarë, ndërsa të dyja dozat u morën nga rreth 1,500 qytetarë.

Për hir të krahasimit, në Bujanoc, i cili vlerësohet të ketë dhjetë mijë banorë më shumë, deri të hënën, 8 mars, morën të dyja dozat e vaksinës 1,140  dhe 2,180 qytetarë morën vaksinën e parë.

Burimi: Bujanovacke dhe Trupi koordinues