Medvegjë – Për shkak të borës që nuk ka ndaluar për 48 orë në Medvegjë dhe Banjë të Sijarinës, shumica e popullsisë ka qenë pa energji elektrike dhe sinjal mobil që nga dje në mëngjes dhe pemët dhe degët e thyera mund të shihen në rrugë.

Ekipet "Obnova" janë në terren, ndërsa në pjesët malore të komunës bora ka arritur 50 centimetra e më shumë. Nuk kishte energji elektrike gjithë natën, dhe madje nuk kishim sinjal për mobil deri në orën 9 të mëngjesit. "Medvegja tani ka edhe sinjal dhe energji elektrike, por banorët e Banjës së Sijarinës  janë ende pa energji elektrike," tha kryetari i komunës, Nebojsha Arsiq.

Ai shtoi se është në kontakt të vazhdueshëm me autoritetet dhe se shpreson që koha të jetë në anën e tyre, në mënyrë që të gjithë banorët e kësaj komune të marrin një sinjal dhe energji elektrike.

Vetëm gjashtë ditë më parë, Shtabi për situata të jashtëzakonshme i komunës  së Medvegjës mori një vendim për heqjen e situatës emergjente, e cila u shpall në këtë komunë për shkak të sanimit të pasojave të shkaktuara nga shiu i madh dhe përmbytjet. Shiu, i cili ra për tre ditë në janar, shkaktoi tejmbushjen e lumenjve Jabllanica dhe Banja  dhe deri në 50 përqind e popullsisë mbeti pa energji elektrike në atë kohë.

Lajmi i mirë është se, sipas njoftimeve të meteorologëve reshjet do të ndalen të enjten kështu që banorët e komunës së Medvegjës shpresojnë se do të kenë më pak probleme me energjinë elektrike.

Burimi:Jugpres dhe Trupi koordinues