Portali eKonsultacije (Portali i e-Konsultimeve) është lëshuar në punë në dhjetor të vitit 2021 me qëllim që t’i mundësohet publikut që në rrugë elektronike të marrë pjesë në procesin e përgatitjes dhe miratimit të dokumenteve të politikave publike dhe rregulloreve, të ketë qasje në dokumente gjatë procesit të hartimit dhe me sugjerimet e propozimet e veta të japë kontributin e tij. Paketa e plotë e funksionaliteteve të Portalit eKonsultacije, përfshirë edhe lënien e komenteve, është e qasshme për përdoruesit e regjistruar të Portalit eUprava (e-Geverisja).
Portali eKonsultacije, si pjesë e Portalit eUprava, është themeluar me Vendim të Qeverisë i cili përcakton detyrimin që organet e administratës shtetërore, në përputhje me rregulloret që rregullojnë sistemin e planifikimit dhe sistemin e administratës shtetërore në Republikën e Serbisë, në mënyrë të rregullt dhe të plotë të publikojnë në Portalin eKonsultacije të gjitha informacionet relevante mbi konsultimet dhe diskutimet publike që zhvillojnë në kuadër të kompetencave të veta. Për këtë qëllim, në secilin prej organeve të administratës shtetërore janë emëruar nëpunësit shtetërorë përgjegjës për menaxhimin e proceseve të veçanta në kuadër të të cilave zhvillohen konsultimet ose diskutimet publike.
Me procedurat e veçanta të zhvillimit të konsultimeve dhe diskutimeve publike përmes Portalit eKonsultacije menaxhojnë organet e administratës shtetërore kompetente për përgatitjen e dokumenteve të caktuara të politikave publike dhe rregulloreve, përmes nëpunësve shtetërorë të autorizuar.
Për monitorimin nëse organet kompetente të administratës shtetërore ofrojnë të dhëna në kohë dhe nëse e përdorin Portalin eKonsultacije në mënyrën e paraparë, është i ngarkuar Grupi i përbashkët profesional për koordinimin e politikave publike dhe monitorimin e zbatimit të reformës rregullatore.
Linku për portalin: https://ekonsultacije.gov.rs/
Burimi: Zyra për Teknologji Informative dhe e-Gradë (Kancelarija za informacione tehnologije i elektronsku upravu)
