Medvegjë– Sektretari shtetëror në Ministrinë e Punës, Punësimit, Veteranëve dhe çështjeve Sociale Nenad Neriq nënshkroi një marrëveshje me përfaqësuesin e vetëqeverisjes lokale të komunës së Medvegjës për transferime të caktuara në mbrojtje sociale.

Fondi i përgjithshëm i akorduar nga Ministria e Punës, Punësimit, Çështjeve Veterane dhe Sociale për vetëqeverisjet lokale në tërë Serbinë për këtë qëllim është 756 milion dinarë dhe përparësia iu dha komunave / qyteteve me një nivel më të ulët zhvillimi. Duke marrë parasysh që komuna e Medvegjës i përket grupit të IV të zhvillimit, transferimi i caktuar u dha pa marrë parasysh pjesëmarrjen e siguruar në financimin e shërbimeve të mbrojtjes sociale në kompetencën e saj.

Komunës së Medvegjës i është akorduar shuma prej 1.485.181,59 dinarë në nivel vjetor, për përmirësimin e ekzistimit dhe zhvillimit të shërbimeve të reja të mbrojtjes sociale në vetëqeverisjet lokale, në bazë të dekretit për transferime të caktuara në mbrojtjen sociale.

Në emër të komunës së Medvegjës, kontrata u nënshkrua nga kryetari i komunës Nebojsha Arsiq.

Shërbimet brenda juridiksionit të njësive të vetëqeverisjes lokale që do të financohen nga fondet nga transferimet e caktuara përfshijnë shërbime të përditshme të komunitetit, shërbime të akomodimit të strehimit, shërbime personale të shoqërimit për fëmijë me aftësi të kufizuara, shërbime të ndihmës personale të disponueshme për të rriturit me aftësi të kufizuara, shërbime këshilluese-terapeutike dhe sociale-edukative, si dhe shërbime të tjera të mbrojtjes sociale.

Burimi: Jugmedia dhe Trupi Koordinues