Bujanoc – Vitin e kaluar, dhjetë milion dinarë ishin caktuar në buxhetin e komunës së Bujanocit për një ndihmë financiare të njëhershme për studentët.

 “Ndihma e njëhershme financiare iu dha të gjithë studentëve që studiojnë, pavarësisht statusit të tyre. Dhjetë milion dinarë u paguan për gjithsej 733 studentë ", tha Boban Pavloviq, shefi i financave në komunën e Bujanocit

"Me ndihmën dhe bashkëpunimin me Trupin Koordinues të Qeverisë së Republikës së Serbisë për komunat e Preshevë, Bujanoc dhe Medvegjë, 124 bursa për nxënësit  e shkollave të mesme u paguan për dhjetë muaj nga 6000 dinarë për secilën. Ne gjithashtu shpallëm konkurs për shoqatat e qytetarëve, për të cilin u shpenzuan dy milion dinarë. Ka gjithashtu të rinj në ato organizata joqeveritare, "tha Pavloviq.

Këtë vit, Zyra për të Rinj në Bujanoc mori vetëm para për paga dhe shpenzimet . Në fund të vitit, kjo zyrë mori 5,000 euro ndihmë nga Ambasada e Shqipërisë në Beograd për blerjen e kompjuterëve të rinj dhe hapjen e një shkolle kompjuterash në 2021.

Në buxhetin e ri për 2021, e njëjta shumë është planifikuar për mbështetjen e të rinjve si në vitin 2020.

"Dhjetë milion janë planifikuar për ndarjen e ndihmës së njëhershme për studentët, gjithashtu është planifikuar një konkurs për bursa për nxënësit  e shkollave të mesme ,dhe  Zyra për të Rinj do të marrë 1.5 milion për realizimin e projekteve të saj," tha Pavloviq.

Buxheti i miratuar i komunës së Bujanocit është 1.298 miliardë dinarë.

"235 milion dinarë janë planifikuar  për rinovimin e shkollës fillore" Branko Radiçeviq"të cilën  e vijojnë fëmijët serb,  dhe rom”, tha Pavloviq.

Pavloviq tha se buxheti mbushet nga taksat dhe kontributet lokale, por që pikat më të mëdha në buxhetin komunal janë transferimi i fondeve, shuma e të cilave nuk ka ndryshuar që nga viti 2014.

Ata presin 106 milion dinarë nga Trupi Koordinues për komunat  Preshevë, Bujanoc dhe Medvegjë për projekte kapitale në 2021. Janë para nga buxheti i republikës  të cilat, përmes Trupit Koordinues, përcaktohen për komunën e Bujanocit.

Burimi:Jugpres, Jugmedia dhe Trupi Koordinues