Bujanoc – Beograd – Nxënësit e shkollave të mesme "Sveti Sava" dhe "Sezai Suroi" sot në Shtëpinë e Shëndetit me rastin e Javës për parandalimin e kancerit të qafës së mitrës morën pjesë në ligjëratën "Më mirë parandalimi se kurimi".

Për rëndësinë e vaksinës Gardasil 9 kundër virusit papilloma humane (HPV), i cili është shkaktari kryesor i kancerit të qafës së mitrës foli Dr Nataša Popović Janković – mjeke në repartin shkollor.

Vaksina është në dispozicion dhe pa pagesë në Qendrën Shëndetësore, nuk ka efekte anësore dhe është plotësisht e sigurt.

Tashmë në Shtëpinë e Shëndetit po kryhen ekzaminimet citologjike dhe sërish ekziston mundësia për të ardhur për ekzaminim parandalues.

Vendi ynë renditet i pesti në Evropë për sa i përket infektimit dhe vdekjes nga kjo sëmundje e parandalueshme.

Për të çrrënjosur këtë sëmundje dhe për të ulur shkallën e vdekshmërisë nevojiten të gjitha masat parandaluese, me theks të veçantë në zbulimin e hershëm të sëmundjes, kontrollin e rregullt dhe vaksinimin kundër virusit HPV.

Burimi: Bujanovaçke, Shërbimi i Trupit Koordinues