Trupi Koordinues zbaton politikën e Qeverisë së Republikës së Serbisë për komunat Preshevë, Bujanoc dhe Medvegjë, me qëllim fuqizimin e komunave në jug të Serbisë dhe krijimin e kushteve që ato, në mënyrë të pavarur dhe në përputhje me prioritetet e përcaktuara, të hartojnë dhe zbatojnë politika në interes të qytetarëve. Trupi Koordinues kujdeset që në Preshevë, Bujanoc dhe Medvegjë të arrihet stabilitet afatgjatë dhe marrëdhënie të mira ndëretnike ndërmjet komuniteteve që jetojnë në këtë zonë.

Në përputhje me qëllimet dhe mandatin e përcaktuar, aktivitetet kryesore të Trupit Koordinues janë:

• Lidhja dhe komunikimi më efikas ndërmjet komunave Preshevë, Bujanoc dhe Medvegjë dhe ministrive të Qeverisë së Republikës së Serbisë

• Mbështetja e financimit dhe zbatimit të projekteve infrastrukturore të rëndësishme për përmirësimin e cilësisë së jetës së qytetarëve në këto komuna

• Mbështetja e zhvillimit ekonomik të Bujanocit, Preshevës dhe Medvegjës

• Mbështetje këshillimore dhe teknike për forcimin e kapaciteteve të komunave në funksion të zhvillimit të qëndrueshëm

• Mbështetje financiare dhe teknike për organizatat e shoqërisë civile, me theks të veçantë në projektet dhe programet për të rinjtë, me qëllim përfshirjen aktive të tyre në punën e vetëqeverisjes lokale dhe kontributin në përparimin e të gjitha komuniteteve

• Mbështetje për përmirësimin e arsimit fillor dhe të mesëm në Preshevë, Bujanoc dhe Medvegjë, si dhe analizë e mundësive për hapjen e institucioneve të arsimit të lartë me mundësi studimi në gjuhën serbe dhe shqipe

• Integrimi i përfaqësuesve të të gjitha komuniteteve kombëtare në rrjedhat politike, ekonomike dhe shoqërore në nivel republikan dhe lokal

• Kontribut në ruajtjen e një situate të qëndrueshme të sigurisë dhe sigurisë njerëzore në komunat Preshevë, Bujanoc dhe Medvegjë

• Koordinimi me bashkësinë ndërkombëtare në planifikimin dhe realizimin e projekteve në jug të Serbisë.