Ngjarja do të mbledhë ish-kryetarët dhe kryetarët aktualë të Trupit Koordinues, kryetarët e komunave Preshevë, Bujanoc dhe Medvegjë, përfaqësues të Qeverisë së Republikës së Serbisë, si dhe përfaqësues të institucioneve shtetërore, organizatave ndërkombëtare, vetëqeverisjeve lokale dhe organizatave partnere.

Në kuadër të programit solemn do të shfaqet një film i shkurtër, i cili përmes një pasqyre të projekteve dhe rezultateve më të rëndësishme do të rikujtojë një çerek shekulli të punës së Trupit Koordinues, si dhe rolin e tij në ruajtjen e stabilitetit, zhvillimin dhe avancimin e dialogut në jug të Serbisë qendrore.

Të pranishmëve do t’u drejtohet kryetari i Trupit Koordinues të Qeverisë së Republikës së Serbisë, dr. Aleksandar Martinović, si dhe ish-kryetarët e Trupit Koordinues, të cilët do të flasin për sfidat dhe rezultatet në faza të ndryshme të veprimtarisë së tij.

Gjatë ceremonisë do të ndahen edhe mirënjohje për individë dhe institucione që, përmes angazhimit dhe bashkëpunimit shumëvjeçar, kanë dhënë një kontribut të rëndësishëm në arritjet e Trupit Koordinues.

Shënimi solemn i këtij jubileu të rëndësishëm paraqet një mundësi për të theksuar vazhdimësinë e politikave shtetërore, stabilitetin institucional dhe përkushtimin ndaj zhvillimit të gjithanshëm të komunave Preshevë, Bujanoc dhe Medvegjë.

Agjenda e ngjarjes:

• 12:00–12:45 – Konferencë për shtyp

• 13:00–13:10 – Mbërritja e mysafirëve

• 13:10–13:15 – Fjalë përshëndetëse hyrëse

• 13:15–13:25 – Film i shkurtër për Trupin Koordinues

• 13:25–14:00 – Fjalime

• 14:00–14:05 – Fjalë përmbyllëse

Konferenca për shtyp do të mbahet në katin e parë të Spitalit Special për Rehabilitim “Bujanoc” në Banjën e Bujanocit, në sallën e Kolegjumit.

Burimi: Shërbimi i Trupit Koordinues