Bujanoc – Në mbledhjen e Këshillit Komunal të Bujanocit është vlerësuar se buxheti i komunës së Bujanocit është realizuar 97 % në pjesën e deritanishme të vitit.

Shaip Kamberi, kryetari i komunës së Bujanocit, tha se në fazën përfundimtare realizohen të gjitha projektet të cilat financohen me mjetet e fituara nga Trupi Koordinues i Qeverisë së Republikës së Serbisë për komunat Preshevë, Bujanoc dhe Medvegjës, me vlerë prej rreth 117 milionë dinarëve.

Në mbledhje është thënë se kjo shumë është dedikuar për investimet në infrastrukturë.

Gjatë mbledhjes së Këshillit është miratuar edhe vendimi mbi përdorimin e rezervave aktuale buxhetore për realizimin e projekteve në shkollën fillore “Ali Bektashi” në Nasalcë, si edhe projektet tjera shtesë.

Burimi: Vranjske dhe Trupi Koordinues