Me rastin e shënimit të Ditës së komunës së Medvegjës, ushtruesi i detyrës së drejtorit të Shërbimit të Trupit Koordinues të Qeverisë së Republikës së Serbisë për komunat Preshevë, Bujanoc dhe Medvegjë, Nenad Mitrović, dhe ushtruesja e detyrës së zëvendësdrejtoreshës së Shërbimit të Trupit Koordinues, Jelena Čolić, vizituan sot këtë komunë dhe morën pjesë në aktivitetet solemne të organizuara në nder të kësaj date të rëndësishme për qytetarët dhe udhëheqjen e vetëqeverisjes lokale.
Gjatë vizitës, përfaqësuesit e Shërbimit të Trupit Koordinues biseduan me përfaqësuesit e komunës së Medvegjës për projektet aktuale, prioritetet e zhvillimit lokal, si dhe për mundësitë e avancimit të mëtejshëm të bashkëpunimit ndërmjet institucioneve republikane dhe vetëqeverisjes lokale. Theks i veçantë iu kushtua projekteve infrastrukturore, përmirësimit të kushteve të jetesës së qytetarëve, zhvillimit ekonomik, si dhe mbështetjes për të rinjtë dhe qëndrimin e popullsisë në këtë zonë.
Në kuadër të shënimit të Ditës së komunës u organizua një program solemn ku morën pjesë përfaqësues të institucioneve shtetërore, vetëqeverisjes lokale, institucioneve publike, afaristë, si dhe shumë qytetarë. Me këtë rast u prezantuan rezultatet e punës së vetëqeverisjes lokale në periudhën e kaluar, si dhe planet për zhvillimin e ardhshëm të komunës.
Përfaqësuesit e Shërbimit të Trupit Koordinues theksuan se edhe në periudhën e ardhshme do të vazhdojnë punën aktive në realizimin e projekteve që kanë për qëllim përmirësimin e cilësisë së jetës së qytetarëve në komunat Preshevë, Bujanoc dhe Medvegjë, me fokus të veçantë në zhvillimin ekonomik, infrastrukturën, arsimin dhe forcimin e bashkëpunimit ndërinstitucional.
Burimi: Shërbimi i Trupit Koordinues
