Bujanoc-Mbi 200 nxënës të shkollave të mesme në Bujanoc, Preshevë dhe Medvegjë  edhe këtë vit do të marrin bursa. Në konkursin e Trupit Koordinues janë paraqitur rreth 300 nxënës.

Bursat me një shume prej 6.000 dinarëve do ti fitojnë nxënësit e shkollave të mesme të cilët vitin e kaluar e kanë përfunduar më së paku me sukses të mirë dhe të cilët deri më sot nuk e kanë përsëritur asnjë vit. Përveç kushteve themelore si nënshtetësia e Republikës së Serbisë dhe vendbanimi i përhershëm në njërën prej tri komunave, bursat do ti fitojnë edhe nxënësit që vijnë nga familjet të rrezikuara nga varfëria. Vitin e kaluar, Trupi Koordinues ka ndarë bursa për 233 nxënës.