Beograd – Qeveria e Republikës së Serbisë, në një seancë të mbajtur të shtunën (28 Mars), miratoi masat e fundit për të parandaluar përhapjen e virusit COVID-19 në lidhje me situatën e jashtëzakonshme:

– Kohëzgjatja e ndalimit të lëvizjes së qytetarëve për ditët e vikendit është ndryshuar. Qytetarët do të duhet të qëndrojnë në shtëpitë e tyre të shtunave dhe të dielave nga ora15 deri në ora 5.

– Për të gjithë qytetarët e Republikës së Serbisë, si dhe të huajt me leje qëndrimi, të cilët kanë hy në vend prej 14 marsit e më vonë, masa e detyrueshme e izolimit shtëpiak zgjatet nga 14 në 28 ditë. Kjo praktikisht do të thotë se për këdo që ka marrë një vendim verbal ose të shkruar për izolimin e shtëpisë për dy javë pas hyrjes në vend, izolimi vazhdon automatikisht për dy javë të tjera.

– Të gjithë qytetarët dhe të huajt me leje qëndrimi, pa përjashtim, janë të detyruar të respektojnë afatin e zgjatur të izolimit të shtëpisë, të cilin autoritetet kompetente do ta kontrollojnë rregullisht në periudhën në vijim

– Qytetarët që janë nuk janë më të vjetër se 65 vjeç mund të dalin nga shtëpitë e tyre gjatë ditëve të javës nga ora 5 e mëngjesit deri në 17:00. Bashkëqytetarët më të vjetër mund të dalin nga shtëpitë e tyre vetëm të dielave në mes orës 3 dero 8 të mëngjesit. me qëllim të blerjes së sendeve ushqimore.

– Udhëhequr sipas mendimit profesional, Qeveria e Republikës së Serbisë ka vendosur tërheqjen e vendimit për shëtitjen e lejuar të kafshëve shtëpiake për 20 minuta në mes orës 20:00 dhe 21:00.

– Derisa Republika e Serbisë është në mes të luftimit të sëmundjes infektive të shkaktuar nga virusi COVID-19, rekomandohet që të gjitha tregjet, jashtë dhe brenda, të mbyllen më tej.

Qeveria e Republikës së Serbisë do të vazhdojë të monitorojë me shumë kujdes situatën në lidhje me virusin COVID-19 dhe të rregullojë të gjitha masat, duke u mbështetur vetëm në këshillat e ekspertëve.

Ajo u bën thirrje të gjithë qytetarëve që të zbatojnë të gjitha masat pa përjashtim.

Burimi: Tanjug, Politika dhe Trupi Koordinues