Bujanoc – Beograd – Nxënësit e shkollës fillore “Branko Radiçeviq” me mësimdhënësit e tyre qëndruan në Turqi, në kuadër të projektit “Motivimi III – nxënës të shekullit të 21-të”.

Pas vizitës në Spanjë dhe Rumani, nxënësit e shkollave fillore të Bujanocit vizituan një shkollë në Ushak, ku u mbajt mobiliteti i katërt i shkollave pjesëmarrëse në projekt.

“Në këtë mobilitet, 30 nxënës nga pesë shkolla partnere patën punëtori të robotikës në shkollën pritëse. Vlera e kësaj mobiliteti nuk është vetëm në seminare, por edhe në biseda dhe shkëmbime përvojash. Arsimtarët organizuan gjithçka mirë dhe u përgatitën mirë në mënyrë që pjesëmarrësit të kishin komentet më pozitive për të gjitha ngjarjet. Përveç aktiviteteve kulturore dhe njohjes së kulturës dhe mënyrës së jetesës turke, pjesëmarrësit mësuan shumë edhe për sistemin arsimor turk, robotikën dhe teknologjinë informative dhe komunikuese”, tha Maja Antiq Jovanov, koordinatore e projektit dhe mësimdhënëse në shkollën e Bujanocit.

Për pjesëmarrësit u organizuan edhe ekskursione në Efes, Shirincë dhe Kishën e Lindjes së Virgjëreshës Mari. Ata vizituan edhe kanionin e Ushakut, kanioni i dytë më i madh në botë me një gjatësi prej 45 km dhe gjerësi maksimale 500 metra.

Përveç punëtorive për nxënësit, nikoqirët organizuan edhe punëtori për mësuesit me qëllim të zhvillimit të tyre profesional. Mësuesit pjesëmarrës në mobilitet patën mundësinë të bisedojnë me Ministrin Rajonal të Arsimit për gjendjen e arsimit në secilin prej vendeve pjesëmarrëse.

Ky projekt financohet nga “Erasmus +”, projekt i Bashkimit Evropian përmes Agjencisë Kombëtare Tempus.

Burimi: Bujanovaçke dhe Trupi Koordinues