Takimi u organizua me qëllim shkëmbimin e mendimeve mbi çështjet aktuale shoqërore dhe institucionale me rëndësi për komunat Preshevë, Bujanoc dhe Medvegjë, si dhe për përmirësimin e bashkëpunimit ndërinstitucional në nivel lokal dhe republikan. Theks i veçantë iu kushtua rëndësisë së dialogut të vazhdueshëm, respektimit të të drejtave të njeriut dhe të pakicave, si dhe forcimit të besimit ndërmjet institucioneve dhe qytetarëve.

Bashkëbiseduesit diskutuan për aktivitetet e deritanishme të Shërbimit të Trupit Koordinues, si dhe për mundësitë e përmirësimit të bashkëpunimit me institucionet e pavarura me qëllim zgjidhjen më efikase të çështjeve me rëndësi për komunitetet lokale. U theksua rëndësia e komunikimit të hapur, transparencës në punë dhe veprimit të përbashkët në drejtim të krijimit të një mjedisi shoqëror të qëndrueshëm dhe nxitës.

Në takim u përfundua se është e domosdoshme të vazhdohet me konsultime të rregullta dhe me një qasje partneriteti në zgjidhjen e sfidave, me respekt të plotë për kompetencat e institucioneve dhe nevojat e qytetarëve në këtë zonë.