Medvegjë – Festivali i dytë i mjaltit në Medvegjë u mbajt nën kujdesin e komunës së Medvegjës dhe Trupit Koordinues për Preshevë, Bujanoc dhe Medvegjë.

Kryetari i Shoqatës së Bletarëve të Apisit, Milosh Joviq, përshëndeti të pranishmit, të cilët kujtuan se këtë shoqatë e kishin themeluar shtatë bletarë të rinj në 2017, ndërsa sot numri i anëtarëve të shoqatës është 37, që është një tregues i qartë i zhvillimit të kësaj dege të bujqësisë në Medvegjë.

Kryetari i Trupit Koordinues për komunat e Preshevës, Bujanocit dhe Medvegjës, Zoran Stankoviq, theksoi se pritet zhvillim i mëtutjeshëm i komunës së Medvegjës, pasi është treguar se investimi në aktivitete siç është festivali i mjaltit nuk është financiarisht i madh, por po jep rezultate të shkëlqyera.

"Kjo shoqatë ka potencial të madh për zhvillimin e bletarisë, ndërsa shumë të rinj kanë vendosur të angazhohen në bletari, dhe tani i takon shtetit të mundësojë që mjalti të plasohet në tregun e huaj," tha Stankoviq.

Komuna e Medvegjës iu bashkua Projektit Stimulues Rinor për Punësimin në tetor të v. 2017, duke nënshkruar një Memorandum Mirëkuptimi me GIZ. Duke dhuruar pajisje, kjo organizatë gjermane ka ofruar ndihmë të konsiderueshme për bletarët tanë të rinj, gjë që ka një rëndësi të madhe për komunën tonë", tha kryetari i Medvegjës, Milan Stevanoviq. Komuna e Medvegjës po e rrit buxhetin e destinuar për fermerët, pasi ky territor ka potencial të madh për zhvillimin bujqësor dhe blegtoral, tha Stevanoviq.

Vizitorët e festivalit, përveç produkteve të bletëve të ekspozuesve nga Medvegja dhe rrethina, gjithashtu shijuan performancën e "bletëve të vogla" të performuara nga fëmijë nga institucioni parashkollor "Rinia", si dhe performancën e valltarëve.

Burimi: Trupi Koordinues