Bujanoc – Beograd – Të rinjtë vullnetarë dhe aktivistë nga Bujanoci, Marko Petkoviq dhe Llazar Llazarevski, filluan një aksion humanitar për t'i pajisur fëmijët e familjeve të rrezikuara nga gjendja sociale me pako për Vitin e Ri. Ata ftojnë të gjithë banorët e Bujanocit që t'i bashkohen aksionit.

“Qëllimi i këtij aksioni është të bëjë të lumtur fëmijët që shkojnë në kopsht dhe prindërit e të cilëve mund të mos kenë fonde të mjaftueshme për të blerë apo bërë vetë një paketë për Vitin e Ri”. Viti i Ri është festa më e gëzuar për të gjithë fëmijët”, thotë Marko Petkoviq.

Ai shton se ideja e aksionit është që të bëhen sa më shumë pako dhe të lumturohen sa më shumë fëmijë, por siç thotë ai do të varet nga vetë qytetarët dhe mundësitë e tyre.

“Kjo është një mënyrë e bukur për të treguar edhe një herë se jemi solidarë dhe njerëzorë. Secili prej nesh mund të veçojë dhe të dhurojë një qese me smok, plazma, një lodër, një laps, një fletore”, thotë Marko.

Kutitë për mbledhjen e ëmbëlsirave, ushqimeve, lodrave dhe mjeteve shkollore, thotë ai, do të vendosen në disa lokacione në qytet.

Në kuadër të aksionit humanitar është planifikuar shoqërim në sheshin e qytetit në Bujanoc më 20 dhe 21 dhjetor nga ora 12:00 deri në ora 14:00, kur individët do të mund të dhurojnë përmbajtje për pako.

Në të njëjtën kohë, ata ftojnë të gjithë afaristët e Bujanocit që t'i bashkohen këtij aksioni humanitar dhe me donacionet e tyre të kontribuojnë në gëzimin e fëmijëve.

Burimi: Bujanovacke, Trupi Koordinues