Bujanoc – Kryqi i Kuq i Bujanocit nga e Hëna (18 maj) do të fillojë shpërndarjen e paketave humanitare të ushqimit, produkteve higjienike dhe miellit për banorët e komunës së Bujanocit, të cilët jetojnë në të ashtuquajturat vendbanime nën standarde "Jaqima Djoshiqa", "Morava 76", në Lagjen e Re, rrugën të Moravës dhe rrugën e Gjilanit.

"Ministria e Punës, Punësimit dhe dhe politikës sociale ka siguruar pako që përmbajnë 10 kilogram sende ushqimore, 6 kilogram produkte higjiene dhe 10 kilogram miell për 1200 familjeve të rrezikuara sociale, kryesisht romë," tha Bratislav Lazareviq, sekretari i Kryqit të Kuq.

Sipas tij, ndihma do t'u jepet familjeve nga listat e bëra nga përfaqësuesit e komuniteteve rome nga vendbanimet e përmendura duke u kujdesur që paketat të përfundojnë në familjet me të vërtetë më të rrezikuara.

"Siç kam njoftuar edhe më herët ne kemi kërkuar nga autoritetet e vetëqeverisjes lokale për listat e qytetarëve që kanë marrë tashmë ndihmë, si nga komuna ashtu edhe nga donacionet në mënyrë që të mos ndodhte që dikush të marrë ndihmë më shumë se një herë dhe dikush kurrë", tha Lazareviq. .

Ndihma do të shpërndahet në Kryqin e Kuq, dhe një orar është publikuar në bazë të datave kur banorët e disa vendbanimeve do të jenë në gjendje të marrin paketat.

Fillon me Lagjen e Re më 18 maj dhe pastaj "Jaqima Djoshiqa","Morava 76", rrugën e Moravës dhe rrugën e Gjilanit.

Kryqi i Kuq thekson se orari duhet të respektohet rreptësisht si dhe masat e përcaktuara për të parandaluar përhapjen e virusit Covid-19, d.m.th që është e detyrueshme të vishni maska mbrojtëse dhe doreza dhe të ruani distancën.

Kërkohet një kartë identiteti e vlefshme dhe nëse nuk arrijnë të marrin paketën brenda periudhës së caktuar atyre do t'ju lejohet ta bëjnë 7 ditë pas ditës së fundit të shpërndarjes.

Lazareviq njoftoi gjithashtu ndihmë për familjet e moshuara dhe familjet me të rrezikuara në komunitetet lokale.

Menjëherë pas kësaj shpërndarjeje, ne do t'i shpërndajmë edhe 400 pako të tjera nga UNHCR për personat më të prekur në komunitetet lokale. Gjithashtu, së shpejti do të ketë ndihmë për 80 familje me një numër më të madh të fëmijëve të siguruar nga UNICEF,"tha Lazareviq.

Burimi: Bujanovaçke dhe Trupi Koordinues