Bujanovac – Beograd – Kryqi i kuq në  Bujanovac po shpërndan ndihmë financiare për 234 familje më të rrezikuara në komunë, tha Bratislav Lazarevic, sekretar i Kryqit të kuq.

Ndihmë në shuma të ndryshme nga 20,692 deri në 63,668 dinarë do t'u jepet familjeve me fëmijë nën moshën 18 vjeç, të cilat në 6 muajt e kaluar u refuzuan nga Qendra për punë sociale për ndihmë financiare, u mohua ndihma e fëmijëve, ose, siç thotë Lazarevic,që nuk kanë të ardhura më të mëdha se 30,000 dinarë.

"Bëhet fjalë, pra, për familjet me fëmijë që janë përfitues të ndihmës së Kryqit të kuq. Ne i kushtonim vëmendje të veçantë prindërve të vetëm. Se sa do të marrin ata varet nga struktura e familjes – një familje me një prind dhe një fëmijë  merrë rreth 20,000 dinarë, dhe më së shumti, 63,668 dinarë, një familje me një prind dhe dhjetë fëmijë. Një familje me të dy prindërit dhe gjashtë fëmijë, për shembull, merr 43,772 dinarë ", shpjegon Lazarević.

Sipas tij, ka disa familje në komunë që plotësojnë kriteret për ndihmë, por kuota prej 234 amvisërive është caktuar për Bujanocin.

"Dhe ne luftuam për atë numër. Fillimisht, ne është dashur të marrim ndihmë financiare për 98 familje, por kemi arritur të marrim fonde për 234 ", thotë Lazareviq.

Përcaktimi se cilat familje do të marrin ndihmë është bërë në bazë të të dhënave ekzistuese nga Kryqi i kuq, Qendra për punë sociale dhe vetëqeverisja lokale.

Duke folur për mënyrën e pagesës së ndihmës, Lazarevic shpjegoi se përfituesit marrin karta bankare me të cilat ata mund të tregtojnë, të paguajnë fatura për energji elektrike, ujë dhe gjëra të tjera.

Fondet e paguara mund të përdoren ekskluzivisht për blerjen e ushqimit, produkteve të higjienës, ilaçeve ose pagimin e kostove të shërbimeve.

"Nga fundi i qershorit, ne do të fillojmë të vlerësojmë, për të parë se si i kanë shpenzuar fondet," thotë sekretari i kësaj organizate.

Programi i ndihmës filloi në përgjigje të krizës Kovid 19 dhe paratë u siguruan nga USAID dhe UNICEF.Ndërsa Kryqi i kuq i  Sërbisë është përgjegjës për realizimin e programit.

Një total prej 2,000 amvisërish në 32 komuna në Serbi është planifikuar të ndihmohen.

Burimi: Bujanovacke dhe Trupi koordinues