Bujanoc, Beograd – Ministria e Admninistratës Shtetërore dhe Vetqeverisjes Lokale ka njoftuar se katër organizata nga Bujanoci nga fituar 361.000 dinarë në fondi buxhetor për pakica nacionale për financimin e programeve dhe projekteve nga fusha e informimit në gjuhët e pakicave nacionale.

„Qendrën për Demokraci dhe Edukim – Lugina” iu janë miratuar 175.000 dinarë, “Vizioneve Atraktive” 100.000 dinarë, Organizatës Kulturore “Alternativa” 50.000 dinarë dhe organizatës kulturore shqiptare “Prespektiva” 36.000 dinarë.

Në vitin 2017, për këto qëllime janë ndarë gjithsej 1,8 milionë dinarë, ndërsa këto mjete janë të dedikuara për realizimin e 25 programeve dhe projekteve të paraqitur, në mesin e të cilave janë katër nga Bujanoci.

Vendimin mbi ndarjen e mjeteve nga Fondi buxhetor për pakica nacionale e ka sjellur ministri i administratës shtetërore dhe vetqeverisjes lokale Branko Ruzhiq, i cili ka deklaruar se mjetet nga ky fond të parapara për vitin 2017, janë shumë të ulëta, por se është sukses i madh që Ministria pas 15 viteve të egzistimit të fondit ka filluar procedurën e ndarjes së mjeteve dhe operacionalizimit të fondit.

Me propozim të Ligjit mbi Buxhetin për vitin 2018, kjo vlerë është rritur për 12 herë, dhe kështu për këtë qëllim janë paraparë 21,8 milionë dinarë, thuhet në kumtesën e Ministrisë së Administratës Shtetërore dhe Vetqeverisjes Lokale.

Burimi: Bujanovaçke dhe Trupi Kooridnues