Panairi i këtij viti i turizmit, i cili mbahet tradicionalisht në Panairin e Beogradit, mblodhi një numër të madh ekspozuesish vendas dhe të huaj, agjenci turistike, hotele, qendra banjore dhe organizata, me qëllim prezantimin e ofertës turistike dhe forcimin e bashkëpunimit në fushën e turizmit.

Gjatë vizitës së stendës së banjave të Bujanocit dhe Sijarinës, Mitrović theksoi rëndësinë e promovimit të potencialeve turistike të jugut të Serbisë, duke nënvizuar se turizmi përfaqëson një mundësi të rëndësishme zhvillimi për komunat Preshevë, Bujanoc dhe Medvegjë.

“Prania e banjave të Bujanocit dhe Sijarinës në një manifestim ndërkombëtar kaq të rëndësishëm ka një rëndësi të madhe për të gjithë rajonin tonë. Ne kemi burime natyrore, ujëra termale me veti shëruese dhe potencial për zhvillimin e turizmit shëndetësor dhe wellness. Detyra jonë është t’i zhvillojmë më tej këto potenciale dhe t’i bëjmë më të dukshme për publikun e gjerë”, deklaroi Mitrović.

Ai shtoi se Shërbimi i Trupit Koordinues do të vazhdojë të mbështesë projektet që kontribuojnë në zhvillimin ekonomik dhe punësimin në këto komuna, si dhe se investimi në infrastrukturën turistike është një nga drejtimet kyçe për zhvillimin e ardhshëm.

“Turizmi nuk është vetëm promovim i destinacionit, por edhe motor i ekonomisë lokale. Zhvillimi i turizmit banjar dhe turizmit rural mund të kontribuojë ndjeshëm në hapjen e vendeve të reja të punës dhe përmirësimin e standardit të jetesës së qytetarëve”, theksoi drejtori i Shërbimit.

Vizita në Panairin e 47-të Ndërkombëtar të Turizmit shfrytëzua gjithashtu për diskutime mbi mundësitë e partneriteteve të reja, tërheqjen e investimeve dhe lidhjen e potencialeve lokale turistike me ofertën më të gjerë të Serbisë, duke krijuar kështu parakushtet për zhvillim të qëndrueshëm dhe afatgjatë të rajonit.

Burimi: Shërbimi i Trupit Koordinues