Ajo theksoi se vizita në Preshevë dhe Bujanoc është një mundësi për të identifikuar nevojat reale të qytetarëve dhe për të kërkuar së bashku zgjidhje që do të kontribuojnë në përmirësimin e cilësisë së jetës së familjeve dhe fëmijëve në këto mjedise.

Ministrja vuri gjithashtu në dukje rëndësinë e faktit që vizita u realizua pikërisht në ditën e Shën Savës, festën shkollore, e cila na kujton se dija, edukimi dhe vlerat morale janë themeli i një shoqërie të shëndoshë. Siç theksoi ajo, shteti i Serbisë mbetet i përkushtuar fuqishëm për të investuar në arsim dhe institucionet arsimore-edukative në të gjitha pjesët e vendit.

“Ne jemi këtu jo vetëm për të shënuar festën shkollore, por edhe për të biseduar me prindërit dhe familjet. Më vjen veçanërisht mirë që pata mundësinë të bisedoj me një nënë e cila, me mbështetjen e ministrisë sonë, ka përfituar subvencion për blerjen e pronës së saj të parë dhe të dëgjoj drejtpërdrejt përvojën e saj gjatë gjithë procesit”, theksoi ministrja Žarić Kovačević.

Gjatë qëndrimit të sotëm, ministrja vizitoi edhe disa familje në këto komuna. Në fshatin Slavujevac ajo vizitoi familjen Spasić me katër vajza, të cilës i dorëzoi dhurata simbolike në formën e tabletëve, mjeteve shkollore, ëmbëlsirave dhe pakove të ndihmës humanitare, si shenjë e mbështetjes konkrete dhe kujdesit të shtetit për familjet me fëmijë. Po ashtu, paketa ndihme iu dorëzuan edhe dy familjeve në fshatrat Spançevac dhe Gornji Starac.

“Ne vizitojmë familje me më shumë fëmijë, familje që jetojnë në kushte më të vështira materiale, si dhe bashkëqytetarët tanë të moshuar që nuk janë në gjendje të sigurojnë vetë nevojat themelore jetësore. Bisedojmë me ta se si mund ta përmirësojmë cilësinë e jetës së tyre dhe t’u ofrojmë mbështetje konkrete. Mendoj se është e rëndësishme të vizitohen mjedise më të vogla dhe fshatra të largëta, ku më rrallë shkohet, në mënyrë që qytetarët të jenë më mirë të informuar për të drejtat e tyre”, theksoi ministrja Žarić Kovačević.

Në kuadër të vizitës së saj zyrtare në Qarkun e Pçinjës, ministrja për Kujdesin ndaj Familjes dhe Demografinë, Jelena Žarić Kovačević, vizitoi sot Institucionin Parashkollor “Gëzimi Ynë” në Bujanoc. Me këtë rast, ministrja bisedoi me drejtorin e çerdhes, Milovan Aleksić, për kushtet e punës, kapacitetet e institucionit dhe planet për përmirësimin e mëtejshëm të cilësisë së qëndrimit të banorëve më të vegjël të kësaj komune.

Me këtë rast, ministrja vuri në dukje edhe bashkëpunimin e shkëlqyer ndërmjet Ministrisë për Kujdesin ndaj Familjes dhe Demografinë dhe Trupit Koordinues të Qeverisë së Republikës së Serbisë për Preshevë, Bujanoc dhe Medvegjë, i cili ka një rol të rëndësishëm në lidhjen e shtetit me komunitetet lokale dhe në përmirësimin e kushteve të jetesës së qytetarëve, veçanërisht të familjeve dhe fëmijëve.

Burimi: RTV Vranjë, Shërbimi i Trupit Koordinues