Bujanoc – Beograd – Nxënësit e shkollës fillore "Vuk Karaxhiq" në Levosoje, me rastin e ditës së këtij qyteti, shfaqën shfaqjen "Vuk Karaxhiq për herë të dytë te serbët" në Loznicë. Ata me mjeshtërinë e tyre të aktrimit i kënaqën banorët e Loznicës.

Portali lokal Lozničke novosti shkroi për paraqitjen mysafire të Teatrit Amator të Bujanocit (BAP), nën kujdesin e të cilit u krijua shfaqja, duke thënë se aktorët fëmijë u pritën me duartrokitje të forta dhe se një histori interesante kushtuar reformatorit të gjuhës serbe Vuk Karaxhiq u prit me entuziazëm.

“Ideja e tekstit është krijuar për nevojat e shkollës, gjegjësisht ngjarjet me rastin e ditës së shkollës. Meqenëse i kemi ezauruar tashmë të gjitha tekstet e mëparshme, këtë tregim e përgatita bashkë me nxënësit. Teksti është në dialektin moravian jugor, por është edhe modern, sepse përdorim pjesë të të folurit letrar, si dhe shprehje të huaja që janë në përdorim të përditshëm sot. Doli të ishte interesante sepse ne e ndërthurëm traditën me kohën e re në të cilën jetojmë në mënyrë të veçantë”, tha Danijela Stojanoviq, profesoreshë e gjuhës dhe letërsisë serbe në shkollën e  Levosojës.

Udhëheqësi i trupës teatrore të Bujanocit, Ljubisha Çoloviq, përkujtoi se kjo shfaqje fitoi vendin e tretë në konkursin e shfaqjeve për fëmijë në Festivalin Rajonal të Teatrove Amatorë në Leban, çmimin për rolin më të mirë të femrës dhe për tekstin origjinal dramatik.

“Kemi ardhur për disa arsye, dhe njëra është sigurisht që Loznica është atdheu i Vuk Karaxhiqit. Kjo shfaqje është për nder të tij”, tha Çoloviq.

Ai ka falënderuar Qendrën e Kulturës “Vuk Karaxhiq” në Loznicë dhe drejtoreshën e institucionit, Snezhana Neshkoviq Simiq, që i kanë mundësuar Komunës së Bujanocit mbështetjen financiare për Teatrin e Bujanocit.

Burimi: Bujanovaçke dhe Trupi Koordinues